Neda despedirá o ano cunha sesión de fogos de artificio dende diferentes puntos do municipio

 O ceo de Neda iluminarase coa explosión de cores dos fogos de artificio para despedir este aciago ano marcado pola covid-19 e, sobre todo, dar a benvida ao esperanzador 2021. Así, a pirotecnia local Millarengo botará as bombas de palenque dende diferentes puntos do municipio, para propiciar este espectáculo de luz e son. Será este xoves, día 31, a partir das 20 horas, como antesala da tradicional cea e as badaladas de Fin de Ano.