Últimos días para sumarse á videoconferencia cos Reis Magos organizada polo Concello

 Convidados polo Concello de Neda, as súas Maxestades os Reis Magos de Oriente manterán un encontro virtual cos nenos e nenas de Neda que desexen trasladarlles os seus desexos e peticións. Será grazas a unha videoconferencia, a través da plataforma dixital ZOOM. Iso si, para participar, as familias deben anotar aos menores previamente e mañá mércores é o último día do prazo aberto. Para iso cómpre que envíen unha mensaxe de WhatsApp ao 650484521 ou a cultura@neda.gal cos datos do menor que vaia participar (nome, apelidos, enderezo e idade) e un correo electrónico para enviar a ligazón para que poida conectarse o día da xuntanza virtual. A maiores, terán que enviar a autorización de participación, que pode descargarse na web municipal (http://www.neda.es/opencms/export/system/modules/es.neda/resources/galeria_archivos/Datos_proteccixn_menores_e_autorizacixn_CONECTA_COS_REIS_MAGOS.pdf ).

Así, o luns 4 de xaneiro, “Conéctate cos Reis Magos” ofrecerá aos máis pequenos da casa unha nova ocasión de saudar e conversar coas SS.MM. e transmitirlles, se non o fixeron xa por carta, os seus desexos.