O Concello de Neda abre o prazo de presentación de solicitudes para as axudas para libros e material escolar e transporte universitario e FP

 O Concello de Neda abriu hoxe o prazo de presentación de solicitudes para optar ás axudas para a adquisición de libros de texto e material escolar, así como ás subvencións para custear os gastos de transporte para estudantes universitarios/as ou de Formación Profesional. Dirixidas a familias con escasos recursos económicos, a Administración local reserva unha partida de 6.000 euros para este capítulo. O Boletín Oficial da Provincia publicaba onte a convocatoria das dúas líneas de axudas, abrindo hoxe, e por espazo de 20 días naturais, o prazo para solicitalas. Un trámite a realizar no Rexistro Xeral da casa consistorial en horario de 9 a 14 horas.

No tocante ás axudas para material, cubrirán libros de texto e material de papelería, mochilas, estoxos… sempre e cando os posibles beneficiarios non reciban outras axudas por este mesmo concepto.

Poderán solicitalas os/as alumnos/as matriculados/as en centros educativos sostidos con fondos públicos, dende Educación Infantil (reglada e non reglada), primaria, secundaria, bacharelato ou formación profesional.
 
No caso das axudas para o transporte van dirixidas a estudantes universitarios ou de FP.
 
A convocatoria das axudas para a adquisición de libros e material escolar pode consultarse no seguinte enlace: https://bop.dacoruna.gal/bopportal/publicado/2020/09/30/2020_0000006730.pdf
 
A convocatoria das axudas ao transporte pode consultarse no seguinte enlace: https://bop.dacoruna.gal/bopportal/publicado/2020/09/30/2020_0000006731.pdf