Novas


CONSULTA PREVIA PROXECTO DE ORDENANZA XERAL REGULADORA DE PREZOS PÚBLICOS

De acordo co artigo 133.1 da lei 39/2015 de 1 de Outubro do procedemento administrativo común das administracións públicas substánciase consulta previa por prazo de 15 días naturais ao obxecto de que calquera veciño ou cidadán poida formular a suxestións ou proposta que teña por convintes.



Puntuacions obtidas polos aspirantes os seguintes postos: 3 de peons, 3 de albaneis e 2 de pintores PEL2019



OS NENOS E NENAS DA ESCOLA MUNICIPAL DE TEATRO PECHAN O CURSO REPRESENTANDO “TODO É UN CONTO”

Neda, 20 de xuño de 2019.- O alumnado infantil da Escola Municipal de Teatro de Neda pecha o curso académico coa representación da obra “Todo é un conto”, unha adaptación dun texto de Julián Herrero Santiago, este venres (día 21) na Casa da Cultura, a partir das 20.00 horas. Son alumnos con idades comprendidas entre os 7 e 11 anos.
Desde o goberno municipal anímase á veciñanza e afeccionados ao mundo da escena a asistir a unha función na que tomarán parte a totalidade dos nenos e nenas que desde outubro veñen asistindo ás clases impartidas por Chus Prieto. Ela será mañá a que se poña á fronte da dirección da representación da obra, na que tamén estivo a traballar para adaptala.
Iago Fernández, Carla Pazos, Mabel Silvia, Candela Otero, Eduán Rodríguez, Lola Silva, Natalia Prieto, Nerea López, Darío Grande e Sara Carneiro constitúen o cadro de actores, mentres que o vestiario, atrezzo e escenografía corre a cargo do alumnado e máis do Concello de Neda.


NEDA AXUDA A FORMAR A FUTUROS TÉCNICOS DE TURISMO CUNHA VISITA GUIADA POLO CASCO HISTÓRICO

Neda, 19 de xuño de 2019.- O Concello de Neda organiza para mañá xoves unha visita guiada polo casco histórico da vila, unha iniciativa que cumpre unha dobre función xa que, ademais de axudar a divulgar a riqueza patrimonial no municipio, tamén axuda á formación de dous novos técnicos de Turismo.
Trátase de David Martínez Rodríguez (alumno do Ciclo Superior de Guía, Información e Asistencia Turística do CIPF Rodolfo Ucha Piñeiro) e Tino Rodríguez (estudante do curso de Promoción Turística local e Información ao visitante organizado polo Servicio de Empleo Público Estatal e impartido en London Institute), que actualmente están a realizar as súas prácticas académicas-384 horas e 120, respectivamente- na oficina de Turismo e mesmo no albergue de peregrinos.
Eles serán os que, nunha visita de 60 minutos de duración, acompañarán ás persoas que así o desexen a descubrir os recursos turísticos da vila nun percorrido que dará comezo ás 17.00 horas da igrexa de Santa María e que rematará na de San Nicolás. O programa inclúe a visita interior de ámbolos dous templos e distintas paradas ao longo do itinerario previsto para que os visitantes teñan a posibilidade de se achegar un pouco máis ás moitas singularidades e riquezas que alberga a vila de Neda . A participación é gratuíta.



A COMPAÑÍA FERROLUNA REPRESENTA MAÑÁ EN NEDA A OBRA “EL CIANURO.... SOLO O CON LECHE?”

Neda, 19 de xuño de 2019.- O Concello de Neda organiza para mañá xoves a lectura dramatizada da obra “El cianuro ... ¿solo o con leche?”, que correrá a cargo da compañía teatral Ferroluna. A Casa das Palmeiras acollerá unha cita que dará comezo ás sete da tarde. A asistencia é gratuíta. Trátase dunha farsa de humor negro escrita por Juan José Alonso Millán e estreada o día 7 de xuño de 1963 no Teatro Beatriz de Madrid.
A acción da obra transcorre en Estremadura, nunha “familia” do máis peculiar, donde nada ni ninguén resulta ser o que inicialmente aparenta. É unha sátira na que as situacións máis macabras e divertidas vanse sucedendo unhas ás outras sen permitir ao espectador nin un só momento de descanso.


<<  Anterior | 1  | 2  | 3  | 4  | 5  | Seguinte  >>