Novas


NEDA ABRE O PRAZO PARA PARTICIPAR EN EL FESTIVAL DE COMPARSAS DO DÍA 1 DE MARZO

Neda, 23 de Xaneiro de 2019.- O Concello de Neda abriu hoxe o prazo de inscrición para tomar parte no Festival de Comparsas que o equipo de goberno programa para o día 1 do próximo mes de marzo.
O período para apuntarse finalizará o día 14 de febreiro.
A novidade que se puxo en marcha o ano pasado, de incentivar a participación das comparsas e grupos cun incentivo económico, consolídase nesta edición con idénticos importes. As agrupacións que contribúan ao enriquecemento do encontro festeiro recibirán 100 euros máis, ademais dos 250 que percibirán cada unha das comparsas e os 150 consignados para os grupos.
Estas actuacións, voluntarias pero valoradas pola organización, levaranse a cabo en horario comprendido entre as 18.00 e 20.00 horas e terán lugar no barrio ou zona que consideren os convocadores, xa que se trata de impulsar a animación e participación da veciñanza nas celebracións populares do inverno.
O número máximo de comparsas participantes será de oito, segundo a orde de presentación de solicitudes no rexistro xeral do Concello, e de grupos serán tres, seguindo o mesmo criterio. Enténdese por comparsa o conxunto de persoas debidamente disfrazadas, nun número non inferior a cinco. Terá que ter unidade temática e as letras das cancións deberán estar escritas en galego e un dos temas ademais terá que ter como referencia Neda ou persoeiros da vila. Considérase grupo o conxunto de personas disfrazadas, nun número inferior a dez e coa mesma temática na súa vestimenta. En el momento de apuntarse, tanto as comparsas como os grupos deberán facer constar o nome da formación, o número das persoas que as integran, a referencia da conta bancaria e o nome, DNI, dirección e teléfono do seu representante. As comparsas ademais deberán presentar unha copia das cancións que interpretarán no transcurso do Festival de Entroido. O Concello establece un máximo de tres galardóns, aos que optarán as formacións que obteñan unha maior puntuación.
As comparsas e máis os grupos inscritos protagonizarán o día 1 de marzo a concentración que dará comezo ás 20.00 horas e que terá como punto de partida a antiga estrada da Estación. A continuación, a comitiva desfilará ata o pavillón polideportivo, onde terán lugar as actuacións. Cada unha delas consistirá nun pase único, interpretando un máximo de dúas cancións e cunha duración máxima de oito minutos.
As formacións que poidan estar interesadas tamén poden consultar as bases de participación na páxina web do Concello (www.neda.es).



Bases festival de comparsas



MARÍA JESÚS MILLARENGO PRESENTA ESTE VENRES (DÍA 25) OS SEUS MÁIS RECENTES TRABALLOS LITERARIOS

Neda, 22 de Xaneiro de 2019.- A Casa das Palmeiras de Neda acollerá este venres (día 25) a presentación dos últimos traballos literarios de María Jesús Millarengo, unha veciña do municipio que, tras a xubilación, imparte clases gratuítas de inglés e participa activamente no mundo cultural a través da Asociación Narón Amigos del Arte (Narart).
“Unha latiña pequena de pementos morrós...coloradiños...” e “A nena que soñaba con ser pintora” son os títulos das publicacións que se darán a coñecer no transcurso dun acto que dará comezo ás 20.00 horas e no que participarán, ademais da autora, o alcalde de Neda, Ángel Alvariño Saavedra; a concelleira de Cultura, Cristina Bouza Bellón, e a presidenta provincial das Amas de Casa, Rosa Otero. A cita cultural concluirá coa actuación de Carme Romero e Francisco Pérez Porto. María Jesús Millarengo, exerceu o labor docente en distintos colexios como profesora de inglés, dirixiu o periódico escolar de Cristo Rey, publicou varios traballos no xornal Diario de Ferrol e foi premiada polo Concello de Arbo por un estudio realizado sobre a lamprea.



NEDA REPARTIRÁ NO PRAZO DUN MES UNS 1.000 QUILOS DE ALIMENTOS ENTRE FAMILIAS EN RISCO DE EXCLUSIÓN

Neda, 21 de Xaneiro de 2019.- Todos os meses o Concello de Neda reparte lotes de alimentos entre 48 familias en risco de exclusión social, unha medida que se volverá a materializar este martes (día 22) e que se complementa ademais con outras puntais con motivo do Nadal, Entroido e as festas de verán. Así, para o día 22 de febreiro xa está prevista a entrega correspondente ao Entroido 2019 e para a mesma o Concello conta, nesta ocasión, coa axuda da Asociación de Amas de Casa da localidade. A devandita entidade subministrará lacóns e costela, mentres que a administración porá leite, arroz, pasta, lentellas, azucre, galletas, conservas, garavanzos, fabas, atún, aceite, cacao, melocotón en conserva, feixóns verdes e un polo por familia. En conxunto serán case 500 quilos de alimentos cos que o Concello de Neda contribúe habitualmente ao benestar dunhos 100 veciños entre núcleos familiares, xente maior e persoas que viven soas.
O equipo de goberno destaca a axuda que o executivo encontra no movemento asociativo para levar a cabo este tipo de accións solidarias. Neste sentido, destácase especialmente a colaboración que, con motivo do repartimento do Nadal, a administración atopou entre os socios e responsables das entidades de Ancos, Viladonelle, O Roxal, Cobeluda, entre as que teñen a súa sede no centro cívico Ramón Millarengo (Burladeiras e Axune, entre outras) e a das Amas de Casa. O goberno agradece moi sinceramente unha colaboración que resulta “imprescindible” para levar a cabo iniciativas sociais.


NEDA INVISTE UNS 6.000 EUROS NOS PARQUES BIOSAUDABLES PARA FOMENTAR A ACTIVIDADE FÍSICA

Neda, 18 de Xaneiro de 2019.- O Concello de Neda fomenta a vida saudable entre a veciñanza poñendo ao seu alcance aquelas infraestruturas que contribúan á realización de exercicio físico. Este é o caso dos parques biosaudables que, situados nas parroquias de Anca e Viladonelle, nas inmediacións da piscina e na zona do paseo marítimo, acaban de ser sometidos a un plan de mellora para garantir a súa conservación e optimizar o seu funcionamento. A reparación de elementos deteriorados, a substitución dos que se atopaban en peores condicións e mesmo o pintado dos xogos son algunhas das obras financiadas polo Concello e executadas pola empresa Protasio, de Fene. O investimento superou os 6.000 euros. As obras remataron hai uns días. Desde o goberno municipal de Neda se demanda agora dos veciños e usuarios que sexan responsables á hora de facer un uso adecuado duns equipos que, ademais de estar ao aire libre, non requiren dun especial esforzo para exercitar pernas e brazos.
Estas actuacións coinciden ademais coa contratación, por parte do Concello, das obras de instalación de chan de caucho nos parques infantiles de Albarón e Santa María, unha intervención que posteriormente tamén se levará a cabo nos de San Isidro, Principiño e Xuvia. Os traballos agora contratados correrán a cargo da empresa Saavedra e López e foron adxudicados pola cantidade de 30.000 euros.


<<  Anterior | 1  | 2  | 3  | 4  | 5  | Seguinte  >>