Novas


Bases para a selección do alumnado e do persoal directivo e docente para a realización do proxecto do obradoiro de emprego de garantía xuvenil “INICIA V”



Nova sesión de cinema de verán este xoves na pista polideportiva do Roxal coa proxección de “A Galiña Turuleca”

O Concello de Neda convida a nenos/as e maiores a disfrutar dunha nova sesión do mellor cine ao aire libre este xoves. Na pista polideportiva do Roxal proxectarase o filme de animación “A Galiña Turuleca” a partir das 22 horas, unha actividade incluída na Rede Cultural da Deputación provincial da Coruña.

A entrada é gratuíta, pero require de reserva anticipada de entrada. Debe solicitarse na Casa da Cultura de 10 a 14 horas ata o mesmo xoves ou chamando no mesmo horario ao teléfono 981 39 02 33. A reserva debe realizala unha persoa adulta e aportar nome e apelidos, DNI e teléfono de contacto.

O Concello tentará agrupar ás familias e tamén aos grupos de amizades de cara a optimizar un espazo que se verá mermado polas distancias sociais que se precisan gardar.
 
Así mesmo, o día da sesión as persoas deben acudir cunha antelación mínima de 10 minutos antes do inicio da proxección para acomodar espazos.


Presentación este martes na Casa da Cultura de Neda da última novela en galego de Vicente Araguas, titulada Través do Trebón

 A Casa da Cultura de Neda acollerá mañá martes, 11 de agosto, a presentación da última novela en galego do escritor nedense Vicente Araguas, titulada “Través do trebón” (Belagua Ediciones). O acto dará comezo ás 20 horas e as persoas interesadas en asistir aínda poden reservar a súa praza mañá martes na Casa da Cultura ou no teléfono 981 39 02 33 -ata completar aforo-. O profesor Eduardo Fra Molinero será o encargado de conducir a presentación, na que o fillo predilecto de Neda estará acompañado pola concelleira de Cultura, Verónica Vigo, e polo alcalde, Ángel Alvariño.

Cun estilo moi persoal, Vicente Araguas recrea en “Través do Trebón” o ambiente asfixiante dunha cidade marítima pendente do que ocorre na súa base naval, pescudando nas razóns do instinto humano de supervivencia.

Vicente Araguas (Xuvia-Neda) é un escritor todo terreo, se ben a súa obra abarca, basicamente, o ámbito poético. Anterior a “Través do Trebón” ten publicado en galego outras dúas novelas: “Agora xa foi” e “A Canción do verán”, mostra polivalente de concepto e estilos.


Orde do día do pleno do Concello de Neda do 6 de agosto de 2020

 Consulta a orde do día clickando no seguinte documento



O Concello instala novas mesas e bancos de madeira na contorna do parque do Principiño, nos Subarreiros e na entrada do paseo marítimo

 O Concello de Neda vén de instalar novas mesas e bancos de madeira en diferentes puntos do municipio, sustituíndo nalgún caso algúns que se atopaban nun avanzado estado de deterioro e dotando deste mobiliario outras áreas que carecían del. Este último caso deuse na entrada ao paseo marítimo, na zona de Xuvia. Un punto de paso dos peregrinos e peregrinas que realizan o Camiño Inglés no seu percorrido ata o Albergue, sito nas inmediacións. Alí se instalaron un banco e unha mesa en madeira tratada.

O mesmo material das mesas que o Concello habilitou na contorna do parque infantil do Principiño, na zona contigua ao parque biosaudable. Neste lugar o Concello tamén renovará nas próximas semanas os bancos actuais, moi deteriorados.

Por último, o Concello subtituíu tamén os bancos e mesas da zona dos Subarreiros. 

<<  Anterior  | 4  | 5  | 6  | 7  | 8  | Seguinte  >> 



Axenda

<<  Previous | 1  | 2  | 3  | 4  | 5  | Next  >> 

Tramites online