Novas


A Biblioteca reabre as súas portas para préstamos e devolucións de 10 a 14 h de luns a venres

 A partir de hoxe, 11 de maio, a Biblioteca Municipal de Neda reabre as súas portas para o préstamo e devolución, así como para información bibliográfica e bibliotecaria. O horario de atención ao público será de 10 a 14 horas, de luns a venres.

Así mesmo, segundo as directrices que nos trasladan, non se poderá facer uso dos ordenadores e medios informáticos nin acceder aos catálogos en línea ou catálogos en fichas da biblioteca.

Deste xeito, as obras serán solicitadas polos usuarios e proporcionadas polo persoal da biblioteca. Unha vez consultadas, depositaranse nun lugar apartado e separadas entre si durante a lo menos catorce días. As coleccións en libre acceso permanecerán pechadas ao público.
 
Establécense tamén as seguintes medidas de hixiene e protección:
 
. Só poderán entrar tres persoas á vez e manter unha distancia de 2 metros entre elas.
. Solicítase, na medida do posible, que acuda unha persoa de cada núcleo familiar.
. Prégase o uso de mascarillas
. Proporcionarase xel hidroalcohólico para desinfectar as mans á entrada e saída da biblioteca.


O refuxio de Mougá volverá entregar animais en adopción a partir do luns

 A Mancomunidade de Concellos da Comarca de Ferrol ten previsto volver prestar o luns o servizo de adopción no Refuxio de Animais de Mougá. O centro mantivo a súa actividade esencial durante a crise sanitaria. Non obstante, no momento en que se decretou o estado de alarma, suspendeu a atención ao público para adopcións, en concordancia coas medidas de confinamento, xa que a visita ao centro non se considera un desprazamento xustificado, e para evitar a propagación do virus. Isto tamén impediu posibles picarescas de persoas interesadas en adoptar co único fin de dispoñer dun pretexto para saír á rúa.

Dende o vindeiro luns, sempre que se confirme a entrada na fase 1 do Plan para a transición cara unha nova normalidade, esta situación vai cambiar. As persoas interesadas en adoptar un animal serán recibidas no centro mediante cita previa, que se concederá chamando ao teléfono 633 381 763 ou a través da dirección de correo electrónico refuxio@ferrol.es.

Os animais de compañía foron un apoio psicolóxico fundamental en moitos fogares durante o confinamento. A adopción de animais, tanto en Mougá como en calquera outro centro de recollida de animais autorizado pola Xunta de Galicia (na comarca existe tamén o centro xestionado pola Asociación Cometa en Narón), é un acto solidario e responsable.


Novas especies arbóreas no campo da feira, en Albarón, tras a plantación realizada polo Concello

 O campo da feira, en Albarón, conta con novas especies arbóreas tras a plantación realizada polo Concello. En total, 23 exemplares que sustituíron ás arbores secas que a Administración local se víu obrigada a retirar hai uns meses por cuestións de seguridade.

Unha plantación que respondeu a criterios ecolóxicos e estéticos, pero tamén de funcionalidade, xa que se ampliou a zona de sombra no parque infantil, da que ata ese momento carecía. Trátase pois de árbores frondosas caducifolias, que varían en aspecto segundo a estación. Cores, flores e aroma na primavera e verán e diferentes tonalidades propias do outono.
 
Plantáronse 6 exemplares de fagus sylvatica; 4 de fagus sylvatica atropurpurea (faia vermella), 4 fraxinus angustifolia “raywood” (freixo vermello); 2 tilias de folla pequeña e outras 3 de folla grande; 3 pradairos reais (acer platanoides) e 1 ginkgo biloba (gymko).  
 
A distancia de plantación foi de 5 metros entre árbores, coas correspondentes proteccións, e realizouse entre o centro de saúde, o parque infantil e o camiño de pedra; entre este e a estrada; na parte superior do campo da feira, entre a farmacia de Muchiqueira e a estrada, e entre as dúas estradas.


A veciñanza de Neda, sen restriccións horarias para as saídas a pasear ou facer deporte

 Dende hoxe, os veciños e veciñas de Neda poderán saír a pasear ou a practicar deporte sen limitación de franxa horaria. O Concello vén de recibir unha notificación da Fegamp onde se informa de que a Xunta comunicou a eliminación da restricción horaria en núcleos separados de menos de 5.000 habitantes, así como que se aplicará en concordancia á interpretación da norma remitida dende a Delegación do Goberno. A medida entra en vigor hoxe, 8 de maio.



A Mancomunidade de Concellos da Comarca de Ferrol maniféstase en apoio do persoal de Noa Madera Creativa

 Os nove concellos da Mancomunidade acordaron subscribir na reunión que mantiveron onte un manifesto institucional de apoio á empresa Noa Madera Creativa, polo mantemento dos postos de traballo e en contra da súa precarización. Ademais do anterior, na reunión mantida polos representantes dos concellos mediante videoconferencia, analizáronse conxuntamente as medidas relacionadas coa desescalada do estado de alarma e co apoio aos sectores e persoas máis prexudicados economicamente pola situación. 


<<  Anterior  | 1  | 2  | 3  | 4  | 5  | Seguinte  >> 



Axenda


Feirón Mensual

 Durante toda a mañá, nas inmediacións da Casa das Palmeiras, con produtos da horta


Pleno extraordinario

 Ás 10 horas, cun punto na orde do día: sorteo das mesas electorais para as eleccións ao Parlamento de Galicia


Representación de la obra teatral "Chola, a it girl"

 Na Casa da Cultura, ás 20,30 horas. Comedia dirixida a un público maior de 11 anos, con entradas a 2 euros


Clase aberta "Bailamos con ritmos latinos"

Incluída na programación do Día da Muller, celebrarase no ximnasio municipal entre as 18 e as 19 horas. Entrada de balde

<<  Previous | 1  | 2  | 3  | 4  | 5  | Next  >> 

Tramites online