Novas


A unidade móbil de doazón de sangue trasládase este mércores a Neda

 Unha unidade móbil da Axencia de Doazón de Sangue trasladarase este mércores 27 de maio ao Concello de Neda. Permanecerá diante da Casa da Cultura de 9,30 a 14,30 h e de 16 a 21 horas.

Así mesmo, solicítase gardar como mínimo 1 metro de separación das zonas de espera. Máis que nunca, precísase da solidariedade veciñal, xa que a vida de moitos enfermos depende cada día das doazóns de sangue



Plan para a Transición cara unha nova normalidade. Guía fase 2

 Hoxe 25 de maio entramos na Fase 2, o que supón a entrada en vigor de novas medidas de flexibilización de carácter social, laboral, cultural ou deportivo. Compartimos con vós a guía elaborada polo Ministerio de Sanidade onde se recollen todas e cada unha delas



O Concello conclúe a pavimentación do camiño de Liñares ata Chisqueira e de baixada ata a AC-862

 Tras un investimento duns 27.100 euros, o Concello vén de concluir as obras de pavimentación do camiño de Liñares ata Chisqueira, intervención que se estendeu ao vial de baixada ata a AC-862.

Con esta intervención buscábase mellorar o estado do vial, deteriorado polo intenso tráfico que soporta, así como a mobilidade na zona e a seguridade de peóns e condutores.

Financiouse con cargo ao Plan Provincial de Cooperación ás Obras e Servizos de competencia municipal (Plan Único de Concello)-POS+ Adicional 2019.


Fondo Solidario de libros de texto e axudas

 O Concello lembra que o prazo para solicitar o fondo solidario de libros de texto e as axudas para a adquisición de libros de texto e material escolar estará aberto ata o 19 de xuño (incluido), tal e como publicaba onte -20 de maio- o Diario Oficial de Galicia.

Dada a situación, a presentación das solicitudes realizarase vía telemática e, no caso estrictamente necesario, poderá facerse presencialmente.
 
Podedes obter máis información nas webs do CEIP de Maciñeira e CEIP San Isidro, así como na do IES Fernando Esquío. Neste último caso, infórmannos de que se a solicitude se realiza presencialmente é preciso solicitar cita previa chamando ao  881 930 387
 
Clickando no seguinte enlace podedes descargar o impreso de solicitude


Reordenación do tráfico nas inmediacións do centro de saúde

 O Concello de Neda levou a cabo esta semana traballos de sinalización horizontal e vertical e reordenación do tráfico nas inmediacións do centro de saúde co fin de mellorar a mobilidade e seguridade na zona. Lembramos en todo caso as limitacións de velocidade e apelamos á colaboración cidadá para o cumprimento das normas nun lugar especialmente sensible, cun intenso tráfico rodado


<<  Anterior  | 1  | 2  | 3  | 4  | 5  | Seguinte  >> 



Axenda


Feirón Mensual

 Durante toda a mañá, nas inmediacións da Casa das Palmeiras, con produtos da horta


Pleno extraordinario

 Ás 10 horas, cun punto na orde do día: sorteo das mesas electorais para as eleccións ao Parlamento de Galicia


Representación de la obra teatral "Chola, a it girl"

 Na Casa da Cultura, ás 20,30 horas. Comedia dirixida a un público maior de 11 anos, con entradas a 2 euros


Clase aberta "Bailamos con ritmos latinos"

Incluída na programación do Día da Muller, celebrarase no ximnasio municipal entre as 18 e as 19 horas. Entrada de balde

<<  Previous | 1  | 2  | 3  | 4  | 5  | Next  >> 

Tramites online