Axenda


O GRUPO FALTRIQUEIRA ACTUARÁ ESTE VENRES NA CASA DA CULTURA DE NEDA

 O grupo Faltriqueira actuará o próximo venres na Casa da Cultura de Neda nun concerto incluído na rede cultural da Deputación da Coruña. Esta formación de música tradicional e con case dúas décadas de existencia, traerá á vila de Neda unha variada selección de temas, na que non se botarán en falla nin os máis coñecidos nin tampouco as últimas novidades. Faltriqueira ten como punto de partida a asociación folclórica e cultural “Orballo” de Pontedeume. Está integrado por catro voces femininas modernas, que souberon trazar pontes coa música tradicional portuguesa e mesmo chegaron a colaborar con varios instrumentistas vascos e con outros grupos como Oskorri, Kepa Junkera ou mesmo o cantante Víctor Manuel. En moitas ocasións tamén actuaron xunto á formación Luar na Lubre. A cita deste venres dará comezo ás 20.30 horas e o prezo da entrada é de dous euros. Ao día seguinte, o centro cultural volverá abrir as súas portas para acoller o Concerto de Nadal, previsto para as 20.30 horas. Na cita a Agrupación Musical Lucero del Alba e máis o Coro Diapasón interpretarán algunhas das cancións máis tradicionais e coñecidas destas datas.

 

<<  Anterior | 1  | 2  | 3  | 4  | 5  | Siguiente  >>